Rekstrarleyfi til farþega- og farmflutninga: Tilkynning um bíl - Nýr notkunarflokkur

Rekstrarleyfishöfum í farþega- og farmflutningum ber að tilkynna hvaða ökutæki tilheyra rekstrinum á hverjum tíma. Þetta á við bæði þegar ökutæki er bætt við eða tekið af leyfi.

Þann 1. janúar síðastliðinn tók reglugerð um afnám leyfisskoðunar nr. 1085/2025 gildi sem felur meðal annars í sér eftirfarandi breytingar fyrir rekstrarleyfishafa í farþega -og farmflutningum: 

• Leyfisskoðun bíla í farþegaflutningum er afnumin 
  

• Öll ökutæki sem tilheyra rekstrarleyfum skulu skráð í notkunarflokkinn Ökutæki til farþegaflutninga eða farmflutninga í atvinnuskyni  
  

• Árleg aðalskoðun fylgir notkunarflokknum

  • Ef skoðunartíðni ökutækis breytist vegna árlegrar aðalskoðunar þarf að fá viðeigandi skoðunarmiða á næstu skoðunarstöð.

Breytingaskráning verður gjaldfrjáls til 1. maí næstkomandi. Eftir þann tíma verður rukkað fyrir breytingu samkvæmt gjaldskrá Samgöngustofu. 

Til upplýsinga fyrir rekstrarleyfishafa

• Hægt er að finna lista yfir þín ökutæki á Mínum síðum Samgöngustofu undir Eignir, Ökutæki og Ökutækin mín. 
  

• Hægt er að sjá frekar um skoðanir og kröfur til ökutækja í atvinnuakstri í skráningareglum Samgöngustofu.
  

• Athugið að það er á ábyrgð rekstrarleyfishafa að viðeigandi trygging á bíl eða bílum sé til staðar og í gildi hverju sinni.