Rekstur leigubíls

Þeir sem vilja reka leigubíl í sinni eigu eða umráðum þurfa rekstrarleyfi frá Samgöngustofu.

Ferlið

Fylgigögn

Mikilvægt er að skila inn öllum fylgigögnum með umsókn.

• Afrit af ökuskírteini (báðar hliðar)

• Búsforræðisvottorð - island.is eða Héraðsdómur

• Staðfesting á að opinber gjöld séu ekki í vanskilum - island.is eða Skatturinn (Ef umsækjandi er lögaðili þarf að skila staðfestingu á kennitölu lögaðilans)

• Ef umsækjandi hefur verið með skráð lögheimili erlendis þarf einnig að skila sakavottorði frá viðkomandi landi/löndum skv. 3. tölul. 2 mgr. 6. gr laga um leigubifreiðaakstur

• Staðfesting á tryggingu fyrir leigubíl frá tryggingarfélagi

• Mynd í leyfisskírteini (nýleg og skýr andlitsmynd með hlutlausum bakgrunni)

• Afrit af undirrituðum samningi við leigubílastöð ef rekstrarleyfishafi ætlar að framselja stöð skyldur sínar

• Einstaklingar sem eru með ríkisfang utan Evrópska efnahagssvæðisins skulu framvísa dvalar- og atvinnuleyfi

Samgöngustofa hefur yfirlit yfir þá sem hafa lokið leigubílanámskeiðum og aflar upplýsinga úr sakaskrá Íslands og því þarf ekki að skila inn þeim gögnum nema annað sé tekið fram.

Afgreiðsla umsókna

• Samgöngustofa gefur út rekstrarleyfi til fimm ára þegar öllum skilyrðum er fullnægt, greiðsla hefur borist og bíllinn hefur verið skráður sem leigubifreið

• Þegar gögn vantar með umsókn eða skilyrðum er ekki fullnægt, lætur Samgöngustofa vita með tölvupósti
  

Kostnaður

• Kostnaður við rekstrarleyfi er samkvæmt gjaldskrá Samgöngustofu og er 16.000 krónur

• Kostnaður við ökunám og námskeið fyrir leigubíla fer eftir gjaldskrá ökuskóla

• Greiða þarf fyrir þau vottorð og gögn sem afla þarf hjá öðrum stofnunum