Leyfi til að flytja inn og selja flugelda í heildsölu
Á þessari síðu
Almennt
Til að flytja inn og selja flugelda í heildsölu þarf leyfi frá lögreglustjóra. Sama leyfið felur í sér bæði innflutning og heildsölu. Leyfið er ekki veitt einstaklingum.
Ef selja á flugelda í smásölu þarf annað leyfi fyrir það.
Skilyrði
Umsækjandi er fyrirtæki eða félagasamtök með virðisaukaskattsnúmer.
Tilgreina þarf ábyrgðarmann sem hefur náð 18 ára aldri.
Geymsla fyrir flugelda stenst kröfur Mannvirkjastofnunar að mati slökkviliðsstjóra.
Borga fyrir leyfi
Gjald fyrir nýtt leyfi er 34.000 krónur og gjald fyrir endurnýjun er 6.500 krónur.
Reikningsnúmer: 0303-26-667
Kennitala: 531006-2320
Senda þarf kvittun á netfangið greitt@lrh.is og setja í skýringu fyrir hvern er verið að greiða.
Afgreiðsla úr tolli
Lögreglustjóri þarf að samþykkja vörureikning áður en sending af flugeldum er leyst úr tolli. Sótt er um áritun lögreglustjóra á vörureikninginn sérstaklega.
Senda vörureikning
Innflutningsaðili sendir lögreglustjóranum á höfuðborgarsvæðinu vörureikning. Í honum þarf meðal annars að koma fram:
tegundir flugelda
magn einstakra tegunda, stærð og samsetningu.
Sérstaklega skal tilgreina þá flugelda sem eingöngu er leyft að nota til flugeldasýninga og skotelda sem eingöngu eru notaðir við leiksýningar, kvikmyndagerð og þess háttar.
Einnig skal þess sérstaklega getið ef um er að ræða tegundir skotelda sem ekki hafa verið fluttar inn áður.
Leyfilegir flugeldar
Það má aðeins setja á markað flugelda sem
hafa hlotið gerðarviðurkenningu Neytendastofu,
eru með CE-merki,
eru framleiddir samkvæmt ákveðnum stöðlum. Staðlarnir eru settir fram í greinum 26 og 27 í reglugerð um skotelda.
Gildistími leyfis
5 ár.
Lög og reglur
Þjónustuaðili
Lögreglan