Verklag fyrir fluglækna, um heilbrigðiskoðanir og meðferð gagna.
Framkvæmd
Umsókn um heilbrigðisvottorð skal leggja fram á eyðublaði útgefnu af Samgöngustofu.
Fyrir skoðun
Ganga skal úr skugga um að umsækjandi hafi fyllt út alla tilskylda reiti á eyðublaðinu, þar með talið undirskrift.
Áður en heilbrigðisskoðun er framkvæmd skal fluglæknir sannreyna að umsækjandi sé sá sem hann segist vera, til dæmis með framvísun persónuskilríkja.
Fluglæknir skal ganga úr skugga um að heilbrigðisskoðun geti farið fram án tungumálaörðuleika.
Fluglæknir skal skoða gildandi heilbrigðisvottorð, sérstaklega með tilliti til takmarkana.
Geti umsækjandi ekki framvísað gildandi heilbrigðisvottorði eða síðustu útgáfu heilbrigðisvottorðs, skal ekki gefa út vottorð nema að höfðu samráði við Samgöngustofu.
Fluglæknir skal upplýsa umsækjanda um afleiðingar ófullnægjandi, ónákvæms eða rangs framburðar um heilsufarssögu sína, samanber undirskrift á eyðublaði.
Framkvæmd skoðunar
Skoðun skal ávallt framkvæmd í samræmi við gildandi reglur og hliðsjónarefni.
Niðurstaða skoðunar
Að lokinni skoðun skal fluglæknir tilkynna umsækjanda hvort hann sé metinn hæfur, ekki hæfur eða máli hans vísað til flugmálayfirvalda, fluglæknaseturs eða fluglæknis eftir því sem við á.
Fluglæknir skal tilkynna umsækjanda um allar takmarkanir sem hamlað geta þjálfun eða haft áhrif á réttindi viðkomandi skírteini/vottorðs/staðfestingar
Telji fluglæknir umsækjanda ekki hæfan til útgáfu heilbrigðisvottorðs skal hann tilkynna slíkt tafarlaust til Samgöngustofu á þar til gerðu eyðublaði. Jafnframt skal umsækjanda tilkynnt um rétt sinn til að fá niðurstöðuna endurskoðaða af Samgöngustofu.
Að lokinni skoðun skal fluglæknir án tafar senda skýrslu vegna skoðunar og afrit af heilbrigðisvottorði (ef við á) til Samgöngustofu.
Meðferð gagna
Fluglæknir skal tryggja trúnað heilbrigðisgagna, vista þau á öruggum stað og ekki afhenda
óviðkomandi.
Þjónustuaðili
Samgöngustofa