Fiskistofa auglýsir eftir umsóknum um byggðakvóta til fiskiskipa á fiskveiðiárinu 2024/2025, auglýst er samkvæmt ákvæðum reglugerðar.
Leiðbeiningar:
- Umsóknir um byggðakvóta fara í gegnum umsóknagátt. Við innskráningu þarf að nota rafræn skilríki útgerðaraðila.
- Niðurstaða umsóknar verður eingöngu birt í pósthólfi umsækjanda inn á island.is Óski umsækjandi eftir bréfi með öðrum leiðum þarf að senda beiðni um slíkt á fiskistofa@fiskistofa.is
- Þegar sótt er um í sveitarfélagi þar sem er vinnsluskylda, þarf yfirlýsing um vinnslu afla að vera undirrituð og staðfest af sveitarfélaginu og henni skilað skilað til Fiskistofu svo úthlutun geti farið fram.
Auglýsingar um byggðakvóta 2024/2025
Árlega ráðstafar matvælaráðuneytið ákveðnum aflaheimildum til stuðnings smærri byggðarlögum:
Sem hafa lent í vanda vegna samdráttar í sjávarútvegi og eru háð veiðum eða vinnslu á botnfiski.
Sem hafa orðið fyrir óvæntri skerðingu á heildaraflaheimildum fiskiskipa sem gerð hafa verið út, landað afla í viðkomandi byggðarlögum og hafa veruleg áhrif á atvinnuástand í byggðarlögunum.
Ráðherra setur reglur um úthlutun til byggðarlaga og úthlutun til skipa. Sveitarfélög geta óskað eftir sérreglum frá almennu reglunni varðandi úthlutun og þarf ráðherra að samþykkja þær. Gildandi samþykktar sérreglur tiltekinna byggðarlaga er að finna í kafla um byggðakvóta fyrir hvert fiskveiðiár hér á vefnum, eftir því sem við á.
Fiskistofa sér um úthlutun byggðakvóta til fiskiskipa eftir þeim reglum sem gilda hverju sinni.
Þjónustuaðili
Fiskistofa