Við starfslok skal gera upp við starfsmann ótekið orlof sem og áunnið en ógjaldfallið orlof. Ekki er heimilt að bæta orlofi aftan við starfslok, enda búið að binda endi á ráðningarsamband starfsmanns og stofnunar.

Við orlofsuppgjör þarf að reikna út áunninn orlofsrétt í vinnuskyldustundum talið.

Vinnuskyldustundirnar eru umreiknaðar yfir í mánuði og sú tímaeining greidd á launum síðasta mánaðar í starfi, þ.e. almennt mánaðarlaunum fyrir dagvinnu.

Fyrir stéttarfélög sem hafa samið um betri vinnutíma er meðalfjöldi vinnuskyldustunda í mánuði 36 x 52 : 12 = 156

Fyrir stéttarfélög sem ekki hafa samið um betri vinnutíma er meðalfjöldi vinnuskyldustunda í mánuði 40 x 52 : 12 = 173,33