Skrá ökutæki í umferð

Úttekt skráningarmerkja

Einungis skráður eigandi eða umráðamaður ökutækis má sækja skráningarmerki (númeraplötur) sem eru í geymslu. Viðkomandi þarf að framvísa gildum skilríkjum þegar plöturnar eru sóttar.

Ef ökutækið er skráð úr umferð með miða þarf að skrá það aftur í umferð og fá nýja skoðunarmiða áður en hægt er að taka það til notkunar. Það er gert með því að fylla út rafræna tilkynningu hér að ofan.

Kostnaður

Það kostar ekkert að skrá ökutæki aftur í umferð. Hins vegar þarf að greiða öll gjaldfallin opinber gjöld sem kunna að hvíla á ökutækinu áður en númer eru afhent.