Sjóferðabækur gegna hlutverki skilríkja og eru staðfesting á að viðkomandi sé sjómaður. Með áritun skipstjóra í sjóferðabók geta sjómenn haldið utan um siglingatíma sinn.
Skilyrði útgáfu sjóferðabókar eru að umsækjandi
hafi íslenskt ríkisfang
sé á sjómannaskrá samkvæmt lögskráningarkerfi sjómanna
Sé umsækjandi ekki á sjómannaskrá þarf að leggja fram staðfestingu útgerðarfélags um starf eða staðfestan ráðningarsamning ekki eldri en 30 daga.
Fylgigögn
Skila þarf inn nýlegri passamynd á ljósmyndapappír. Myndina má senda með pósti til Samgöngustofu í Ármúla eða skila inn þegar bókin er sótt.
Afgreiðslutími
12 virkir dagar frá því að gögn og greiðsla hafa borist. Nauðsynlegt er að umsækjandi sanni á sér deili og undirriti sjóferðabókina hjá Samgöngustofu í Ármúlanum þegar hún er sótt.
Kostnaður og gildistími
Kostnaður fer eftir gjaldskrá Samgöngustofu og gildir í 10 ár.
Þjónustuaðili
Samgöngustofa