Nú er hægt að nýta ákveðin textasnið til þess að brjóta upp texta skipulagsákvæða og skilmála.

Í skipulagsgreinargerðum eru skipulagsákvæði aðalskipulags og skilmálar deiliskipulags iðulega settir fram í ítarlegum texta sem gjarnan er brotinn upp með millifyrirsögnum, feitletrun o.þ.h.

Í stafrænu aðal- og deiliskipulagi er þessi texti takmarkaður við 3000 stafabil en engu að síður getur verið gott að brjóta hann upp með svipuðum hætti og í greinargerð. Því hefur Skipulagsstofnun ákveðið að leyfa notkun á völdum HTML tögum í ákveðnum eigindadálkum til að gera þetta kleift. Þetta á aðeins við um: - sértæk skipulagsákvæði í dálkinum akvaedi í stafrænu aðalskipulagi - sértæka skilmála í dálkinum skilmalar í stafrænu deiliskipulagi

Eftirfarandi HTML tög eru leyfð:

• h1/h2/h3 – fyrirsagnir

• p – greinarskil

• b – feitletrun

• i – skáletrun

• u – undirstrikun

• ol – tölusettur listi

• ul – inndreginn listi

• li – texti í ol eða ul lista

Athugið að önnur HTML tög eru ekki leyfileg.

Nánari leiðbeiningar um notkun á HTML tögum eru aðgengilegar í uppfærðum leiðbeiningum

• Stafrænt deiliskipulag - leiðbeiningar

• Stafrænt aðalskipulag - leiðbeiningar

Einnig má finna frekari upplýsingar um tilhögun stafrænna ganga í gagnalýsingum

• Stafrænt deiliskipulag – Gagnalýsing

• Stafrænt aðalskipulag – Gagnalýsing