Skipulagsstofnun staðfesti, 21. október 2024, breytingu á Aðalskipulagi Sveitarfélagsins Hornafjarðar 2012-2030 sem samþykkt var í bæjarstjórn 12. september 2024.

Í breytingunni felst að afmarkað er nýtt verslunar- og þjónustusvæði VÞ49 á 5 ha svæði í landi Hvalvörðugilslækjar, sem áður var landbúnaðarsvæði, með heimildum fyrir 2000 m² heildar byggingarmagni fyrir ferðaþjónustu.

Málsmeðferð var samkvæmt 1. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.