Skipulagsstofnun staðfesti 31. janúar 2025 breytingu á Aðalskipulagi Norðurþings 2010-2030 sem samþykkt var í sveitarstjórn 10. desember 2024.

Í breytingunni felst stækkun iðnaðarsvæðis I3 í landi Núpsmýrar og Akursels um tæplega 65 ha og framleiðsluheimild fyrir landeldi eykst og verður allt að 3000 tonn á ári.

Málsmeðferð var samkvæmt 1. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.