Skipulagsstofnun staðfesti, 15. apríl 2025, breytingu á Aðalskipulagi Langanesbyggðar 2007-2027 sem samþykkt var í sveitarstjórn 30. janúar 2025.

Í breytingunni felst skilgreining 2,1 ha svæðis fyrir verslun og þjónustu VÞ2 en reisa á veiðihús með gisti- og veitingaþjónustu. Landbúnaðarsvæði minnkar sem þessu nemur. Þá verður tveimur nýjum efnistökusvæðum bætt við vegna framkvæmdar en áætlað er að vinna allt að 25.000 m³ af efni.

Málsmeðferð var samkvæmt 1. mgr. 36. gr. skipulagslaga nr. 123/2010.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.