Skipulagsstofnun staðfesti 12. nóvember 2024 breytingu á Aðalskipulagi Akureyrar 2018-2030 sem samþykkt var í bæjarráði 29. ágúst 2024.

Í breytingunni felst að samfélagsþjónusta S24 á Akureyri mun hliðrast til austurs yfir opið svæði OP10 en stærð svæðisins verður 1,2 ha. Skilgreind er 0,6 ha íbúðarbyggð ÍB28 þar sem S24 var áður og þar er svæði austan við nýjan S24 skilgreint sem 1 ha íbúðarbyggð ÍB29. Opið svæði OP10 minnkar úr 6,2 ha í 4 ha.

Málsmeðferð var samkvæmt 1. mgr. 36. gr. skipulagslaga nr. 123/2010.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.