Skipulagsstofnun staðfesti 22. ágúst 2024 breytingu á Aðalskipulagi Hrunamannahrepps 2016-2032 sem samþykkt var í sveitarstjórn 18. apríl 2024.

Í breytingunni felst að skilgreint er 4 ha verslunar- og þjónustusvæði (VÞ7) við Brúarhlöð með heildarbyggingarmagn allt að 500 m2 og minnkar landbúnaðarsvæði sem því nemur. Bílastæði er stækkað og gönguleiðum fjölgað um svæðið. Einnig verður skilgreint nýtt vatnsból (VB33) og vatnsverndarsvæði.

Málsmeðferð var samkvæmt 1. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.