Skipulagsstofnun staðfesti 20. ágúst 2024 óverulega breytingu á Aðalskipulagi Fjallabyggðar 2020-2032 sem samþykkt var í bæjarstjórn 30. apríl 2024.

Í breytingunni felst að afmarkaður er nýr reitur fyrir verslun og þjónustu, VÞ329, á Ólafsfirði þar sem heimilað verður að reka ýmsa þjónustu, s.s. ferðaþjónustu, útleigurými og verkstæði.

Málsmeðferð var samkvæmt 2. mgr. 36. gr. skipulagslaga.

Hægt er að nálgast aðalskipulagsbreytinguna í Skipulagsgátt og á Skipulagsvefsjá Skipulagsstofnunar þegar breytingin hefur öðlast gildi með birtingu í B-deild Stjórnartíðinda.