Einstaklingar geta nú þegar byrjað að skrá sig í biðskráningu á þessa nýju stöð. Skráningin fer fram í Réttindagátt SÍ. Þegar stöðin svo opnar mun einstaklingurinn sjálfkrafa fara af skrá hjá þeirri heilsugæslustöð sem hann tilheyrði áður.

Á nýju heilsugæslustöðinni verður lögð áhersla á þverfaglega samvinnu fagstétta innan heilsugæslu með það að markmiði að efla einstaklingsmiðaða þjónustu. Boðið verður upp á alla grunnþjónustu eins og mæðravernd, ungbarnavernd og hjúkrunarmóttöku. Áætlað er að sex læknar muni starfa við stöðina.