Eldri innskráningarleið, sem styður Íslykil, verður áfram virk til og með 1. október 2023.

Breytingin felur meðal annars í sér að nú er hægt að skrá sig inn fyrir hönd fyrirtækja og í umboði einstaklings ef búið er að veita umboð gegnum umboðskerfi Ísland.is. Innskráning styður öll form á rafrænum skilríkjum.

Með nýrri innskráningarleið er hægt að velja að skrá sig inn sem Einstaklingur bæði í Gagnagátt og Réttindagátt og er það fyrir þá einstaklinga sem ekki eru að skrá sig inn sem fyrirtæki eða með umboð fyrir annan einstakling í gegnum Ísland.is.

Þeir einstaklingar sem hafa umboð fyrir hönd einstaklings skrá sig inn undir Umboð í Réttindagátt. Þeir sem eru skráðir með aðgang að fyrirtækjum á síðum Ísland.is eða með umboð skrá sig inn undir Fyrirtæki eða umboð í Gagnagátt.

17.03.2023 kl. 18:15
Breyting á Gagnagátt var tekin til baka og farið aftur í fyrri útgáfu. Verður stuðningi við innskráningu með Auðkennis appi frestað. Beðist er velvirðingar á þeim óþægindum sem þetta kann að hafa valdið.