Tjónamat er hafið á húsum sem vitað er að orðið hafa fyrir verulegu tjóni í Grindavík. Nátturhamfaratrygging er búin að skanna þau svæði þar sem útlit er fyrir að mesta tjónið hafi orðið. Í dag fara þau til frekari skoðunar ásamt eigendum þeirra húsa sem talið er að hægt sé að skoða í dag. Þetta mun halda áfram næstu daga. Ljóst er að mikið tjón hefur orðið á fjölmörgum húsum. Í samráði við eigendur voru búslóðir fluttar úr tveim húsum, samtals fjórum íbúðum í gær. Þar lágu innanstokksmunir undir skemmdum.