Til að vera ábyrgðarmaður eða tæknimaður vegna lokaðra geislalinda verður að ljúka þessu námskeiði.

Fyrirkomulag námskeiðs

Námskeiðið er kennt í tveimur hlutum:

• fyrri hlutinn er fjarnám, sem þátttakendur geta sinnt á sínum tíma,

• seinni hlutinn er annað hvort staðkennsla í Reykjavík eða fjarkennsla í gegnum Teams.

Áherslur námskeiðs

Á námskeiðinu er farið yfir eftirfarandi: 

• almennan grunn geislavarna,

• líffræðileg áhrif jónandi geislunar og geislaálag starfsmanna sem vinna með geislalindir,

• alþjóðlega flokkun geislalinda og kynning á gerð og notkun geislalinda í iðnaði og rannsóknum á Íslandi,

• lagaumhverfi: skyldur og hlutverk leyfishafa, ábyrgðarmanna, tæknimanna og notenda

• eftirlit með innflutningi, notkun, geymslu og förgun geislalinda

• áherslur á starfsemi Geislavarna ríkisins hverju sinni.

Efni námskeiðsins er lagað að þátttakendum hverju sinni.

Eftir námskeiðið 

Að námskeiði loknu eiga þátttakendur að:   

• þekkja lög og reglugerðir um geislavarnir,

• vera meðvitaðir um skyldur sínar,

• hafa lágmarksþekkingu á vörnum gegn jónandi geislun,

• þekkja áherslur Geislavarna ríkisins varðandi þá starfsemi sem þeir tengjast  ,

Sjá nánar um kröfur til ábyrgðarmanna vegna notkunar geislatækja og geislavirkra efna (pdf)

Próf

Námskeiðinu lýkur með prófi. Hlekkur á prófið er sendur á þátttakendur fljótlega eftir að kennslustund lýkur. Þátttakendur fá viku til að taka prófið og geta því tekið prófið á þeim tíma sem þeim hentar.

Til að ljúka námskeiðinu þarf að ná 80% árangri á prófinu.

Verð námskeiðsins

26.000 krónur

Skráning á námskeið

Dagsetningar og skráning á námskeið auglýst þegar nær dregur.

Námsefni - hluti 1, fjarnám

Þátttakandi fer yfir efnið á sínum hraða og klárar áður en seinni hluti byrjar.

Námsefnið samanstendur af:

• veffyrirlestrum á íslensku

• myndböndum frá Alþjóðakjarnorkumálastofnuninni

• völdum vefsíðum

Áætlaður tími fyrir þennan hluta er 2-3 klukkutímar

Námsefni - hluti 2, kennslustund

Þátttakendur skrá sig annað hvort í fjarkennslu eða staðkennslu (Reykjavík).

Námsefnið samanstendur af glærum sem fyrirlesarar fara yfir í kennslustund. Glærur eru sendar til þátttakanda fyrir kennslustund.

Áætlaður tími fyrir þennan hluta er 2-3 klukkutímar