Helstu skyldur vinnsluaðila við vinnslu persónuupplýsinga
Skyldur vinnsluaðila gagnvart ábyrgðaraðila
Vinnsluaðili má aðeins vinna með persónuupplýsingar að því marki sem samningur hans við ábyrgðaraðila leyfir, og honum ber að fylgja þeim fyrirmælum um vinnsluna sem ábyrgðaraðili setur fram.
Þá ber vinnsluaðila að aðstoða ábyrgðaraðila við að tryggja að vinnslan samrýmist persónuverndarlögum.
Verði vinnsluaðili var við fyrirhuguð vinnsla samrýmist ekki persónuverndarlögum ber honum að tilkynna ábyrgðaraðilanum um það tafarlaust.
Sjálfstæð ábyrgð vinnsluaðila
Auk þeirrar skyldu sem vinnsluaðili hefur gagnvart ábyrgðaraðila ber hann jafnframt sjálfstæða ábyrgð á að starfsemi hans samrýmist persónuverndarlögum.
Vinnsluaðili ber meðal annars ábyrgð á að :
útbúa vinnsluskrá um þá vinnslu sem hann framkvæmir fyrir hönd ábyrgðaraðilans,
fylgja ákvæðum vinnslusamnings í hvívetna, þ.e. hann má eingöngu vinna persónuupplýsingar samkvæmt skjalfestum fyrirmælum slíks samnings eða annarri réttargerð milli aðila,
tryggja öryggi þeirra persónuupplýsinga sem hann vinnur með í sinni starfsemi í samræmi við persónuverndarlöggjöfina
