Framkvæmd mats á áhrifum á persónuvernd
Almennt
Mat á áhrifum á persónuvernd (MÁP) er kerfisbundið ferli sem hjálpar til við að greina, meta og draga úr áhættu sem stafar af vinnslu persónuupplýsinga. Þetta ferli tryggir að vinnsla persónuupplýsinga fari fram í samræmi við gildandi lög og verndi réttindi einstaklinga.
Mat á áhrifum eykur einnig traust þeirra sem upplýsingarnar varða og styður við innleiðingu persónuvernd í verkefnum frá upphafi.
Hvenær þarf að meta áhrif á persónuvernd
Ábyrgðaraðilar þurfa að framkvæma mat á áhrifum á persónuvernd ef vinnsla persónuupplýsinga er líkleg til að fela í sér verulega áhættu fyrir einstaklinga.
Dæmi um aðstæður þar sem mat er nauðsynlegt er þegar:
unnið er með viðkvæmar upplýsingar, svo sem um heilsufar eða fjárhag
eftirlitsmyndavélar eru notaðar vil að vakta almenning eða fylgjast með svæðum í opinberu rými
ný tækni er notuð, eins og andlitsgreining
persónusnið er búin til og notuð til ákvarðanatöku sem hefur lagalegar að sambærilegar afleiðingar fyrir einstaklinga
Ferlið
Mat á áhrifum á persónuvernd er gert áður en söfnun og vinnsla upplýsinga hefst og felur í sér:
Kerfisbundna lýsingu á vinnsluaðgerðum, tilgangi og umfangi.
Mat á nauðsyn og meðalhófi vinnslunnar.
Greiningu á áhættu fyrir réttindi og frelsi einstaklinga.
Ráðstafanir til að draga úr áhættunni, svo sem með dulkóðun eða aðgangsstýringu.
Skjalfestingu allra niðurstaða og leita álits persónuverndarfulltrúa ef við á
Samráð við persónuverndaryfirvöld ef áhættan er óásættanleg.
Undantekingar
Ábyrgðaraðilar þurfa ekki að framkvæma mat á áhrifum á persónuvernd ef:
vinnslan er ekki líkleg til að valda mikilli áhættu fyrir réttindi einstaklinga,
fyrri mat hefur verið framkvæmt og aðstæður hafa ekki breyst,
vinnslan er skýrlega leyfð samkvæmt lögum og hefur áður verið metin af persónuverndaryfirvöldum.
Ábyrgð og skjalfesting
Ábyrgðaraðilar bera alla ábyrgð á framkvæmd matsins, jafnvel þótt þeir fái utanaðkomandi aðila til aðstoðar. Þeir þurfa að tryggja að allar ákvarðanir og niðurstöður séu skráðar og að upplýsingar um framkvæmdina séu aðgengilegar ef eftirlitsaðilar óska eftir þeim.
