Því miður er ekki hægt að gefa út ný plastökuskírteini fyrr en í febrúar 2025. Þangað til verður notast við stafræn ökuskírteini. Nánar um framleiðslu nýrra ökuskírteina.
Aldursskilyrði fyrir flokka bifhjóla eru:
AM-flokkur - 15 ára
A1-flokkur - 17 ára
veitir einnig AM réttindi
A2-flokkur - 19 ára
veitir einnig AM og A1 réttindi
A-flokkur - 24 ára (nema 21 árs ef þú tókst A2 19 ára)
veitir einnig AM, A1 og A2 réttindi
Sækja má um að byrja að læra 3 mánuðum fyrir afmælisdag.
Kostnaður
Ökuskírteini fyrir létt bifhjól, AM próf, kostar 4.300 krónur.
Ökuskírteini fyrir þungt bifhjól, A próf, kostar 8.600 krónur.
Ökuskírteini skal greiða með greiðslukorti í starfrænum umsóknum eða hjá sýslumanni þar sem sótt er um.
Námsferlið
Upplýsingar um mótorhjólanámið finnur þú á vef Samgöngustofu.
Umsóknarferli
Sýslumaður sendir námsheimild til Frumherja og þá má umsækjandi hefja nám. Próf eru pöntuð hjá Frumherja.
Að loknu prófi getur ökumaður sótt bráðabirgðaakstursheimild til sýslumanns gegn framvísun staðfestingar frá prófdómara.
Fylgigögn
Með umsókninni þarf að fylgja passamynd.
Þurfi umsækjandi að nota gleraugu eða linsur við akstur eða á við annan heilsufarsvanda að stríða sem getur haft áhrif á akstur þarf að skila læknisvottorði frá heimilislækni.
Þjónustuaðili
Sýslumenn