Embætti ríkislögreglustjóra berast nú tilkynningar um tölvupóst þar sem lögregla er ranglega titluð sem sendandi og skilaboðin ranglega merkt lögreglu og „Skattstofu Íslands“. Í tölvupóstinum er verið að vara við ógreiddri skattaskuld og netfang ríkislögreglustjóra notað auk símanúmers embættisins.

Við vekjum athygli á því að skilaboðin eru ekki frá ríkislögreglustjóra eða lögreglu og viljum við vara fólk við að svara tölvupóstinum og við því að ýta á hlekki og viðhengi sem geta fylgt svikapóstum sem þessum.

Mikilvægt er að skoða öll skilaboð og allan póst með gagnrýnum augum, ekki smella á hlekki eða viðhengi sem eru grunsamleg og alls ekki gefa upp kortaupplýsingar eða viðkvæmar persónuupplýsingar.

Við vekjum athygli á góðri fræðslu á heimasíðu CERT um vefveiðar sem þessar: Vefveiðar (cert.is)

Hér má sjá dæmi um svikapóst: