Rauð viðvörun vegna veðurs er í gildi á höfuðborgarsvæðinu frá kl. 8-13 í dag, fimmtudaginn 6. febrúar. Röskun verður á skólastarfi. Grunn- og leikskólar verða þó ekki lokaðir, en halda úti lágmarksmönnun. Í ítrustu neyð þarf að tilkynna skólastjórnendum um komu barns með tölvupósti. FÓLK ER HVATT TIL AÐ HALDA SIG HEIMA Á MEÐAN ÓVEÐRIÐ GENGUR YFIR Í DAG OG VERA EKKI Á FERÐINNI AÐ NAUÐSYNJALAUSU.

Af vedur.is/vidvaranir

Höfuðborgarsvæðið

Sunnan rok eða ofsaveður (Rautt ástand)

6 feb. kl. 08:00 – 13:00

Sunnan 25-33 m/s og snarpar vindhviður. Talsverð rigning með köflum. Foktjón mjög líklegt og það getur verið hættulegt að vera á ferð utandyra. Ekkert ferðaveður.