Fara beint í efnið

Ísland.is appið

Með ríkið í vasanum

Lögreglan Forsíða
Lögreglan Forsíða

Lögreglan

Þessi frétt er meira en árs gömul

Innbrot í skip upplýst.

28. október 2002

Logo Lögreglan

Kl.10:28, sunnudaginn 27. október sl. fékk lögreglan á Ísafirði tilkynningu um að brotist hafi verið í skipið Mími ÍS-30, sem þá lá við bryggju á Ísafirði. Brotist hafði verið inn í lyfjageymslur í skipinu og stolið nokkru magni af lyfjum ýmiskonar. Rétt rúmri klukkustundu eftir að tilkynningin barst lögreglunni var rúmlega þrítugur karlmaður handtekinn á hafnarsvæðinu, grunaður um að hafa framið innbrotið. Maðurinn var í haldi lögreglunnar þangað til í morgun er hann var látinn laus. Maðurinn viðurkenndi að hafa framið verknaðinn og telst málið upplýst. Ýmis sönnunargögn fundust á vettvangi er bentu til þess að umræddur maður hafi verið að verki.