Tilfærslan eykur þjónustu við almenning verulega þar sem biðtími eftir því að fá ökuskírteini fer úr þremur vikum að meðaltali í eina viku. Auk þess sem samskiptaleiðir styttast og ferlar verða einfaldari. Margir hafa beðið eftir ökuskírteini á meðan tilfærslunni stóð en gert er ráð fyrir að flestir fái ökuskírteinin sín um næstu mánaðamót.

Umsóknarferlið og upplýsingagjöf fyrir ökuskírteini hér á landi helst óbreytt og fer fram hjá sýslumönnum. Verkefnið er gott dæmi um hvernig ólíkar stofnanir geta unnið saman að bættri þjónustu, auknu öryggi og grænum skrefum.