2. október 2024

Mosarnir í móanum á Spennandi sunnudegi

Á Spennandi sunnudegi 6. október milli kl. 14 og 16 bjóða Land og skógur og Náttúruminjasafn Íslands upp á skemmtilegan viðburð um mosa og móa á sýningu Náttúruminjasafnsins, Vatnið í náttúru Íslands á 2. hæð Perlunnar í Reykjavík.

2. október 2024

Land og skógur fékk brons

Á ársfundi Orkustofnunar sem haldinn var í Hofi á Akureyri í liðinni viku voru veittar viðurkenningar opinberum stofnunum sem náð hafa ákveðnum áföngum í orkuskiptum í bílaflota sínum. Hlutfall rafbíla hjá Landi og skógi er nú um þriðjungur og því fékk stofnunin brons.

1. október 2024

Ánamaðkur skaut upp kolli á Vísindavöku

Örtröð var í bás Lands og skógar strax og Laugardalshöllin var opnuð gestum Vísindavöku á laugadaginn var. Börn í fylgd foreldra sinna voru uppistaðan í hópi gesta og bæði börn og fullorðnir sýndu því sem Land og skógur hafði að bjóða mikinn áhuga. Miklar umræður sköpuðust og mikið spurt.

26. september 2024

Elsta tré Íslands á Vísindavöku 2024

Land og skógur tekur þátt í Vísindavöku Rannís sem fram fer í Laugardalshöll í Reykjavík laugardaginn 28. september. Þar verður hægt að skoða pöddur, laufblöð og fræ í víðsjá, þreifa á mismunandi jarðvegi, sjá drónamyndir af gróðurframvindu á Hekluskógasvæðinu og taka þátt í verðlaunagetraun. Sömuleiðis verður til sýnis sneið með árhringjum úr elsta tré sem fundist hefur á Íslandi og er um 280 ára gamalt.

18. september 2024

Sérfræðingur skógarúttekta og loftslagsbókhalds

Land og skógur leitar að öflugu starfsfólki til að vinna að uppbyggingu og vernd gróðurauðlinda á Íslandi með landgræðslu, nýskógrækt og friðun skóga til að efla hagrænan, umhverfislegan og samfélagslegan ávinning af sjálfbærri landnýtingu. Nú leitum við að sérfræðingi til að stýra teymi skógarúttekta og loftslagsbókhalds skóglendis.

17. september 2024

Landssöfnun á birkifræi hófst í Reykhúsaskógi

Átakið Söfnum og sáum birkifræi hófst í gær á degi íslenskrar náttúru, 16. september, með því að Lionsklúbburinn Sif í Eyjafjarðarsveit stóð fyrir söfnun í Reykhúsaskógi í Eyjafjarðarsveit. Þetta var í fjórða sinn sem klúbburinn efnir til slíks viðburðar og leggur sitt af mörkum til átaksins. Fræsöfnunarfólkið gat svo gætt sér á veitingum í Hælinu í Kristnesi sem hafði sérstaklega opið að þessu tilefni.

17. september 2024

Yfir 400 ára gamalt starfsheiti

Hópur sænskra skógfræðinema á öðru ári við sænska landbúnaðarháskólann SLU í Umeå hefur verið á ferð hér á landi síðustu daga og skoðað skóga og skógrækt. Nemarnir læra ýmsar hliðar skógræktar, úrvinnslu og umhirðu skóga og hljóta gráðuna jägermästare sem samsvarar gráðu skógfræðings á Íslandi en á sér margra alda rætur.

13. september 2024

Birkifræsöfnun þjóðarinnar fram undan

Árlegt átak Lands og skógar í samvinnu við skógræktarhreyfinguna og fleiri samtök og fyrirtæki hefst formlega á degi íslenskrar náttúru 16. september. Fyrsti viðburðurinn verður á vegum Lionsklúbbsins Sifjar í Reykhúsaskógi Eyjafjarðarsveit klukkan sautján í samvinnu við Skógræktarfélag Eyfirðinga og skógarbændur í Reykhúsum.

9. september 2024

Ráðist gegn rofabörðunum

Dreifing á heyi og öðrum lífrænum efnum hefur gefið góða raun við að græða upp rofabörð. Dæmi um góðan árangur má sjá á jörðinni Heiðarási í Þingvallasveit sem notið hefur styrks frá Landbótasjóði til uppgræðslustarfsins.

8. september 2024

Tartu-yfirlýsingin um nýju evrópsku náttúruverndarlöggjöfina

Með Tartu-yfirlýsingunni SRE2024, sem gefin var út nýverið á fjórtándu Evrópuráðstefnunni um endurheimt vistkerfa, er áhersla lögð á nauðsyn þess að koma fljótt í framkvæmd þeirri nýju löggjöf Evrópusambandsins um endurheimt náttúrunnar sem samþykkt var 18. ágúst. Í yfirlýsingunni er athygli beint að ómissandi hlutverki endurheimtar náttúru í baráttunni við loftslagsbreytingar og hnignandi fjölbreytni lífríkis. Endurheimt vistkerfa sé grunnforsenda fyrir velferð komandi kynslóða Evrópubúa.