Nýsköpunarstyrk er ætlað að auðvelda atvinnurekendum í nýsköpun og þróun að ráða fólk til starfa og koma á tengslum milli atvinnuleitenda og fyrirtækja. Verkefnið er samstarfsverkefni Vinnumálastofnunar og Háskóla-, iðnaðar- og nýsköpunarráðuneytis.
Atvinnurekandi þarf að uppfylla eftirtalin skilyrði:
Veruleg nýsköpun og þróun þarf að vera til staðar í því verkefni sem starfskraftur er ráðinn til að sinna.
Nýsköpunarstyrkur þarf að fela í sér aukningu á starfsmannafjölda fyrirtækisins. Starfskrafturinn er ráðinn sem launþegi.
Að minnsta kosti einn starfsmaður verður að vera á launaskrá fyrirtækis áður en sótt er um.
Fyrirtæki verður að vera í skilum hvað varðar launatengd gjöld og opinber gjöld. Dæmi eru iðgjöld og mótframlag í lífeyrissjóð, stéttarfélagsgjöld og tryggingagjald.
Almennt er gert ráð fyrir 100% starfshlutfalli.
Atvinnuleitandi þarf að uppfylla eftirtalin skilyrði:
Atvinnurekandi getur fengið allt að 390.084 krónur í styrk á mánuði, ef miðað er við 100% starfshlutfall, sem samsvarar upphæð 100% grunnatvinnuleysisbóta auk 11,5% mótframlags í lífeyrissjóð greiddar með nýjum starfskrafti.
Matshópur á vegum Vinnumálastofnunar og Háskóla-, iðnaðar- og nýsköpunarráðuneytisins fer yfir umsóknir og metur hvort þær uppfylli kröfur sem gerðar eru.
Ráðuneytið sendir umsækjanda svarbréf um niðurstöðu í tölvupósti og Vinnumálastofnun fær afrit af svarinu.
Atvinnurekandi getur sent fyrirspurn í gegnum Mínar síður atvinnurekanda til að kanna hvort atvinnuleitandi uppfylli skilyrði nýsköpunarstyrks.
Skila þarf afriti af undirrituðum ráðningarsamningi að uppfylltum ákvæðum viðeigandi kjarasamnings milli starfsmanns og atvinnurekanda vegna nýsköpunarstyrks. Almennt er gert ráð fyrir 100% starfshlutfalli þegar um ráðningu á nýsköpunarstyrk ræðir.
Lengd samnings
Hámarkslengd ráðningarsamnings vegna nýsköpunarstyrks er 6 mánuðir. Að 5 mánuðum liðnum getur fyrirtæki sótt um framlengingu til 6 mánaða í viðbót. Þá þarf að skila áfangaskýrslu.
Atvinnurekandi sækir um greiðslu styrks á Mínum síðum atvinnurekenda.
Greiðslur er hægt að innheimta mánaðarlega eða í einu lagi í lok tímabils.
Með hverri umsókn þarf að fylgja launaseðill fyrir viðkomandi mánuð sem sótt er um.
Skilyrði fyrir greiðslu er að búið sé að greiða laun og standa skil á launatengdum gjöldum til Skattsins.
Þegar verkefninu lýkur skilar atvinnurekandi lokaskýrslu um verkefnið, þar sem fram kemur hvort og þá hvernig markmið náðust og hvort viðkomandi starfskraftur hafi verið ráðinn ótímabundið.
Eyðublaði fyrir lokaskýrslu
Fyrir atvinnuleitendur
Samningur um nýsköpunarstyrk og greiðslur vegna hans falla úr gildi ef viðkomandi atvinnuleitandi hættir störfum hjá atvinnurekanda af einhverjum orsökum á gildistíma samningsins.
Tímabil ráðningarstyrks hjá atvinnuleitanda telst ekki til ávinnslutímabils atvinnuleysisbóta.
Atvinnuleitandi er afskráður af atvinnuleysisskrá á meðan á ráðningartímabili stendur.
Lesa meira
Hafa samband
Frekari upplýsingar má nálgast með því að senda fyrirspurn á netfangið: vinnumidlun@vmst.is
