Mælingar á ójónandi geislun

Geislavarnir ríkisins eiga eftirtalinn mælibúnað til að mæla ójónandi geislun:

• NARDA ELT 400 sem mælir segulsvið frá 1-400 kHz.
  Hann er meðal annars hentugur til að mæla segulsvið frá spennistöðvum og frá rafkerfi í heimahúsum.

• NARDA NBM 520  með EF nema sem mælir rafsvið frá 100 kHz til 6 GHz.
  Hann er meðal annars hentugur til mælinga á sendingum frá farsímasendum.

Ofantaldir mælar eru sendir reglulega í kvörðun erlendis.

Stofnunin skal innheimta gjald fyrir mælingar á rafsegulsviði samkvæmt gjaldskrá sem ráðuneyti setur.

Aðrir mælar eru:

• Mælir til að mæla geislun í ljósabekkjum

• Mælir til að mæla styrk leysa

• Mælir til að mæla rafsvið á lágum tíðnum

• Mælir á þaki Geislavarna sem fylgist með útfjólublárri geislun